AG: Tuusi ikiaroornartoq pillugu salluvoq
-Inatsisartut siulittaasuata Josef Motzfeldtip ikiaroornartutortarsimaneranut uppernarsaatissaq AG-ip piginerarpaa.
AG-mi aaqqissuisoqarfiup Josef Motzfeldti chillumimik kimmiarluni assinga takoreerpaa. Chillumi ikiaroornartumik pujortaatavoq immikkuullarissusilik, taamaammat aviisi isumaqarpoq inatsisartut siulittaasuat inuunini tamakkerlugu ikiaroornartumik susassaqanngissimanerminik oqaasii eqqortuunngitsut.
- AG-imi assi Tuusip chillummimik kimmiarluni assinga takoreerpaa. Assimi 80-90'ikkunni assilineqartumi Josef Motzfeldt qaqortumik ilulleqarpoq chillumimillu angisuumik kimmiarluni. Assimi inuit pingasut allat ilaapput arlaata ataatsip chillumi angisooq tigummiaraa, AG aviisimi marlunngornermi saqqummersumi allappoq.
Josef Motzfeldt siornatigut AG-mut oqareerpoq ikiaroortarsimanani.
- Inuunera tamakkerlugu ikiaroornartoq susassaqarfiginngisaannarsimavara. Inuit arlaannit eqqorniarneqarpunga Inatsisartut siulittaasuata Josef Motzfeldtip angerlarsimaffiani ikiaroornartumik nassaarsimanerarneq pillugu AG-mut oqaaseqarnermini oqarpoq.
AG-ip Josef Motzfeldt aammalu naalakkersuisut siulittaasuat Kuupik Kleist (IA) oqaaseqartissinnaasimanngilaat.