Air Greanlandip timmisartua Stavangerimut mitsinneqartoq

Atlantikoq qulaallugu timmisartuussisartoq Kangerlussuarmut ingerlaartoq, Norgemi Stavangerimut mitsinneqarallarpoq. Timmisartup angallassinera akunnialunnik kinguaattoorpoq.

Air Greenlandip timmisartua atlantikoq qulaallugu timmisartuussisartoq Tuukkaq, Københavnimiit ullaap tungaa aallartoq, Norgep sineriaa qaangersimalerlugulu Stavangerimut mittussanngoriasaarpoq.

Air Greenlandimi attaveqatigiinnermik immikkoortortaqarfimmit uppernarsarneqarpoq timmisartoq allamut tikisinneqarallartariaqarsimasoq.

- Timmisartoq Stavangerimut mitsinneqarpoq, ilaasut ilaat nakorsamit passunneqarnissamik pisariaqartitsilermat. Pisoq pillugu allamik oqaaseqarsinnaanngilagut, attaveqatigiinnermik immikkoortortaqarfimmit oqaatigineqarpoq.

Angalaffissat aaqqissuunneqaqqipput

Tuukkaq Kangerlussuarmut ullaap tungaa aqqarnup missaani tikittussaagaluarpoq.

Maannali kinguaattoorpoq. Pilersaarutit nutaat naapertorlugit timmisartoq Kangerlussuarmut tikissaaq nal. 13.10.

Air Greenland ilisimatitsivoq angalasut angalaffissaat nutaat pilersaarusiorneqalereersut.

Powered by Labrador CMS