Timmisartuussineq
Air Greenlandip aqagu timmisartuussinissat tamaasa taamaatikkai
Aqagu marlunngornermi apingaatsiarnissaa anorlingaatsiarnissaalu pissutigalugu Air Greenlandip nunap iluani nunanullu allanut pilersaarutit taamaatippai
Tamatumunnga taarsiullugu pingasunngornermi 7. februaarimi angalanissanut pilersaarutit annertusineqassapput, Air Greenland tusagassiuutinut nalunaarummi paasissutissiivoq.
Kalaallit Nunaata kujataa ullaakkulli silarlulissaaq, silarluk Kangerlussuup Ilulissallu tungaanut avannamukaassalluni.
Aamma atuaruk: Anorersuarnissaanik ilimasaarut: Atuarfiit suliffeqarfiillu matoqqassapput
Ilaasussat 450-it eqqugaasut
- Taamaalilluni ilaasussat 450-it missaanniittut taamaatitsinernit eqqugaassapput. Pingasunngornermi angalanissanut pilersaarutit annertusineqarnerini aamma pingasunngornermi aallarfissat pilersaarutaareersut naleqqussarneqassapput taamaatinneqassallutilluunniit.
Massakkut ilaasussat tamarmik aallarfissanut allanut nussorneqarput, ualillu ingerlanerani ilaasussat tamarmik angalanissanut pilersaarutinik nutaanik tigusaqareersimassapput, Air Greenland paasissutissiivoq
Aamma atuaruk: Tasiilami piterannginnerani suli angallattoqarpoq