Ajutoorneq: Nunarsuarmik kaajallaaniaq uninngasoq
Jens Kjeldsen, nuliani Dorthe Hegelund Kjeldsen peqatigalugu Nunarsuarmik kaajallaaniaq ajutoorsimavoq.
Maanna Indiap imavissuani qeqertami Mauritiusimi illoqarfimmi Port Louisimi Dr. A.G. Jeetoo Hospitalimi uninngasoq, ilaqutai nalunaarput.
Aviisi AG allappoq.
Arriitsumik aanaarneq
- Qaammatit marluk matuma siorna niaqqumigut annersimavoq arriitsumik aanaarnermik kinguneqartumik tamannalu sapaatit akunnerisa marluk matuma siorna paasineqarpoq, ilaqutai oqaluttuarput.
Jens Kjeldsenip ernera panialu maanna angajoqqaaminni Mauritiusimi najuupput. Sapaatit akunnerisa marluk matuma siorna Jens Kjeldsen niaqqumigut pilatsippoq nakorsallu pikkorissut aanaarfiusut kigaartippaat aammalu niaquani naqitsineq millisillugu.
Amerlaqisut DR2-p aallakaatitaani takoreersimassavaat Jens aamma Dorthe Kjeldsen namminneq angallamminnik ’Kigdlua’nik nunarsuarmik kaajallaaniarlutik angalapput, aammalu Jens nulianilu piumassuseqarluartuupput inuunermillu nuannarisaqartuullutik. Qujanartumik peqqissiartorpoq ajutoornerullu nuannersumik pissuseqartuunera timiminillu atuisinnaanera allanngortissimanngilaa.
Sapaatit akunnerini pingasuni uninngagallarneq
- Katillugilli sapaatit akunneri pingasut uninngasussaavoq angalanerallu unikkallarluni. Jens aamma Dorthe qanittumiit ungasissumiillu inuulluaqqusisunut qujapput aammalu inuulluaqqusillutik, qitornaat nalunaarput.
Aviisi AG uani aaneqarsinnaavoq: