Akikitsumik sulisussaqarnissaq akuerineqanngilaq
Demokratit isumaqarput Justus Hansen marlunngornermi Qanoruumi kukkusumik issuaaffigineqartoq nunanit allanit akikitsumik sulisussaqarnissaq sammineqarmat
Annonse
Qanoruumi marlunngornermi ilanngussami takuneqarsinnaavoq Aluminium pillugu Ataatsimiititaliaagallartumi siulittaasoq, Justus Hansen, ataatsimiititaliaq sinnerlugu oqaaseqartinneqartoq ataatsimiititaliap nunanit allanit akikitsumik sulisoqarsinnaaneq akuersaaraa. Tamannali eqqunngilaq, Demokratit erseqqissaapput.
- Justus Hansen ataatsimiititaliaq sinnerlugu oqaaseqanngilaq, kisiannili Demokratit sinnerlugit ataatsimiititaliami ilaasortatut. Taamaattumik ataatsimiititaliap akikitsumik sulisoqarsinnaaneq akuersaarsimanngilaa. Ippassaq marlunngornermi ataatsimiititaliaq ataatsimiippoq, tassani tamanna oqaluuserisassani aalajangiiffigisassatut ilaatinneqanngilaq, partii allappoq.