Akileraaruserisartut ilinniaqqittut
Akileraartarnermut nakkutilliisoqarfimmiit sulisut siulliit akileraartarnermut tunngasunik immikkut ittunik ilinniaqqinnertik aallartippaat.
Ilinniartitaaneq Nuummi Niuernermik Ilinniarfiup Akileraartarnermullu Nakkutilliisoqarfiup akornanni suleqatigiilluni ineriartortinneqarsimavoq.
Aallaqqaammut sulisut 21-it modul 1-imi aallartipput: Juaana Steenholdt, Niels Lange Andersen, Mina Johnsen, Karen Marie Petersen, Svend Larsen, Augo Lund Lynge, Jeanette Larsen Petersen, Ludvig Lyberth, Benjamin Grim, Marie Heilmann, PanêraK Egede Olsen, Karla Berglund Jakobsen, Anna Kristiansen, Birthe Mørch, Charlotte Geisler, Lars Petersen, Batseba J. Jensen, Elias Rasmussen, Johan G. Lange, Arnaaraq Poulsen, Bolette-Marie Jensen.
Ilinniartunngortut ilinniakkaminnik 2010-mi naammassissapput, tamatuma kingorna ilinniartussat nutaat aallartissapput.
Ilinniarnerup modiliani siullermi namminersortumik inuusutissarsiornermi aningaasaqarneq, innuttaasunik kiffartuussineq, attaveqaqatigiinneq, it, pisortani ingerlatsineq aamma sulianik ingerlatsineq sammineqarput. Modulini tulliuttussani akileraartarnermut teknikkimut tunngasut sammineqarnerullutik.