Akiligassarpassuit kukkusumik nassiunneqarsimasut
Kommuneqarfik Sermersuup akiligassat 3.850-it kukkusumik akiliisitsiniartarfimmut toqqaannartumik nassiussimavai.
![Akiligassarpassuit kukkusumik nassiunneqarsimasut](https://image.sermitsiaq.ag/128767.webp?imageId=128767&width=960&height=518&format=jpg)
Innuttaasut suliffeqarfiillu tusiintikilikkaat akiliisitsiniartarfimmut Kommuneqarfik Sermersuumit nalunaarutigineqarsimapput.
Tamatumunnga akiliisitsisarfimmi teknikkikkut kukkusoqarsimanera pissutaavoq:
- Kukkunerup kingunerisaanik akiligassat nalinginnaasut decembarimi akiligassat 3.850-it, 2022-mi januaarimi akilerneqarsimasussat ilinnut – innuttaasumut/suliffeqarfimmut – nassiunneqarnissaat sioqqullugu akiliisitsiniartarfimmut toqqaannartumik nassiunneqarsimapput, kommuni nittartakkamigut allappoq.
Kommuni nassiussaminik suli utertitsinngitsoq innuttaasut 500-t akiligassaq akiliisitsiniartarfimmiit pissarsiartik akilersimavaat.
Kommunimit kaammattuutigineqarpoq, akiliisitsiniartarfimmiit eqqunngitsumik saaffigineqarsimasut akiligassartik imminiiginnassagaat.
Kommuni pisumut ajuusaarpoq:
- Kommuneqarfik Sermersuumiit taamatut pisoqarneranut utoqqatserpugut, neriuppugullu innuttaasut suliffeqarfiillu eqqorneqartut paasinnilluassasut.