Akunnittarfiutilik: Nangikkiarnerit ullaarnganiit erngunninngussapput
Imerniartarfiit ullaakkut tallimat tungaannut ammasalernissaannik siunnersuut akunnittarfiutilinnit unnersiutigineqanngilaq.
Nangikkiartarnerit atorunnaarsinniarlugit imerniartarfiit ullaakkut tallimat tungaannut ammasalernissaat Demokraatit siunnersuutigaat.
Nangikkiartarnerilli atorunnaavinnissaat pillugu akunnittarfiutillit neriniartarfiutillillu qularaat.
Aviisi AG taama allappoq.
- Isumassarsiaq taanna taperserlugu akerlilerlugulu oqaaseqartoqarsinnaavoq. Inuttut nammineq isumaga imaappoq, nalunaaqutaq tallimat tungaanut ammasoqartaleraluarpalluunniit illoqarfiliartinnani ernguttarnerit nangikkiartarnerillu pisassapput, akunnittarfiup pisortaa Helge Tang AG-mut oqarpoq. Sulisitsisuni takornariaqarnermut, neriniartarfinnut akunnittarfinnullu tunngasumik peqatigiiffimmi siulittaasuuvoq.
Helge Tangilli ammasarfiit ilai allanngortikkusuppai, tassalu nalliuttut ulluini ammasarfiit. Imerniartarfiit poorski sioqqullugu pingasunngornermi unnuap qeqqanut matusarneri pillugit inatsit 'sianiilliornerulluinnartuusoq' taanna isumaqarpoq.
Ammasarfiit pillugit oqallinneq pillugu AG-mi atuarnerusinnaavutit. Aviisi uani ataani pissarsiarisinnaavat: