Ålborgimut isumaqatigiissut nuannaraat
Jyllandip avannaani illoqarfiit pingaarnersaata suliffissaaleqinermik eqqugaaqisup Royal Arctic Linemik isumaqateqarnerup kingorna siunissaq isumalluarfiginerulerpaa.
Aalborg Havnip milliardip sisamararterutaa atorlugu pilersaarusiorpoq ukiuni aggersuni Kalaallit Nunaannut assartuinerup allilerneqarnissaannut pilersaarutit ilaattut.
tamanna pivoq Naalakkersuisut Aalborg Hanvip Royal Arctic Linellu 2020 tikillugu Jyllandip avannaani illoqarfiup Kalaallit Nunaanni assartuinermi suli qitiunissaanut tunngatillugu siumaqatigiissutaa akuerssaareeraallu.
- Isumaqatigiissutit sivitsornerat toqqisssissutaapput. Aalborg Havnimut suliffiit 1000 missaat attuumassuteqarput Kalaallit Nunaannut assartuinermut tunngassuteqartut, taassumalu saniatigut Jyllandip avannaani suliffeqarfippassuit Kalaallit Nunaannut tunisisartut pineqarput, Aalborg Havn A/S-imi pisortaaneq Claus Holstein oqarpoq.
Europap avannaa eqqarsaatigalugu Aalborg Havn tassaalissaaq atortorissaarutitigut siuarsimanerpaaq. Tamanna allilerinermut atussavarput, taamaalilluni Aalborg suli amerlanernik sullitaqalernissamut kajuminnarnerulerluni.
Isumaqatigiissup tunngaviusup sivitsorneratigut tamanna talittarfimmut iluaqutaassaqaaq.
Aalborg Havn A/S-ip aningaasaliinissatata ilagaat quersuaq nutaaq 52000 m2-iucoq, toqqorsivik 4000 m2-iusoq taakkununngalu atatillugu Royal Arctic Linep suliffeqarfiutaasa Arctic Container Operation A/S-ip kiisalu Royal Arctic Linieagentur A/S-ip allattoqarfiat. 2011-mi talittarfimmi nillataartitsinissamut qerititsinissamullu periarfissat 50 procentimik allinerneqassapput 53.000 m3-iniit 80.000 m3-inut.