Aleqa Hammondip Enoksen qaangerpaa
Ilisimatusarfiup qinersisartunik misissuisitsinerani erserpoq Siumumik qinersisartut Aleqa Hammond naalakkersuisut siulittaasussaatut piunerugaat. Amerlanerulluartulli Kuupik Kleist piumaneruaat.
Ilisimatusarfiup misissuisitsinerani qinersisartut aamma aperineqarput kina arlaat naalakkersuisut siulittaasuattut piumaneruneritsik, IAp siulittaasua Kuupik Kleist siuttuuvoq, soorlu aamma HS Analysep aprilimi qinersisartunik misissuisitsinerani tamanna ersertoq.
Siumumik qinersisartut Aleqa Hammond naalakkersuisut siulittaasussaattut Hans Enoksenimit piumaneruaat.
Kisitsisit imatut isikkoqarput:
Kuupik Kleist: 41 % (HS Analyse: 52 %)
Aleqa Hammond 20 % (HS Analyse: 37 % tassani Hans Enokseniinnanngitsoq aamma allat pineqarput, Aleqa Hammondili piumaneqarnerulluni)
Hans Enoksen: 11 % (HS Analyse: 19 %)
Jens B. Frederiksen: 6 % (HS Analyse: 6 %)
Finn Karlsen: 2 % (HS Analyse: 5 %)
Ved ikke: 20 % (HS Analyse: Øvrige 18 %)
Naatsorsueqqissaarnerup nalorninarsinnaassusia +/- 2 procentiuvoq, misissuisitsinermilu nunaqarfimmiut peqataasut amerlanerupput.
Misissuisitsineq lektor Pia Vedel Ankersenimit, Lone Rosengreen Pedersenimit aamma Louise Adolfsenimit suliarineqarpoq. Kingulliit marluk Ingerlatsinermik Instituttimi ilinniartuupput.