naalagaaffeqatigiinneq
Aleqa Minillu: Kalaallit Nunaata siunissaa akisussaaffeqatigiinneruvoq
Aleqa Hammond Minik Rosingilu ataatsimut Politikenimi kronikkiliornerminni oqaaseqarput
- Kalaallit Nunaanni oqallinnermi pingaaruteqarpoq suliarineqartussat tamaasa puigorneqannginnissaat, uumasuni uumaatsunillu suliaqarneq kiisalu aamma innuttaasut puigorneqannginnissaat. Aamma ilisimasariaqarpoq aalisarneq Kalaallit Nunaannit aqunneqartuummat, aalisarnerummi tungaatigut avammut tunineqartut 90 procentii aalisarneermmeersuummata.
Naalakkersuisut siulittaasuat Aleqa Hammond geologimilu professori Minik Rosing Politikenimut ataatsimut kronikkiliaminni allaaserisaqarput.
Nalunaarusiamut 'Kalaallit Nunaannut iluaqutissanut' ilassutaavoq.
Ilaatigut aamma allapput, Danmarkimit tapisisarnerit siunissami suli atorfissaqartinneqassasut oqaatigalugu.
- Kalaallit Nunaata aningaasaqarnikkut nammineq napatilernissaa naalakkersuisunit kingulliusunit arlaqartunit anguniarneqartareerpoq. Kalaallit Nunaat 2009-mi namminersulernera tamanna takussutissaavoq, 2010-mimi aatsitassat Kalaallit Nunaata nammineerluni aqutarilerpai, oqaatigaallu aningaasaqarnikkut unammilligassat ukiuni tulliuttuni amerlasuujusut.
- Kalaallit Nunaata aningaasaqarnera ukiuni makkunani ingerlanerliorpoq, tamanna nunani assigiinngitsuni akit qaffasissumik aalisarnikkut inissisimatitsinerannik pissuseqarpoq, Kalaallit Nunaanni suliffissaaleqiffiuneralu malunnaataaalluni.