KL

DK

assit takukkit

Aleqa: Silap allanngornera unitsinniarlugu Nunarsuarmioqatigiit ataatsimoortariaqarput

Nunarsuarmioqatigiit ataatsimeersuarneranni Naalakkeersuisut siulittaasuat Aleqa Hammond ilaatigut taama oqarpoq

Aleqa Hammond Ban Ki-moonilu
Nunarsuarmioqatigiit silaannaap kissatsikkiartornera pillugu ataatsimeersuarneranni Aleqa Hammond oqaluttarfimmit oqalugiartoq
Nunarsuarmioqatigiit siulittaasua Naalakkersuisut siulittaasuata ataatsimeeqatigaa. Nunat assigiinngitsut qanoq iliuuseqarsinnaanersut ilaatigut eqqartorneqarpoq, tassani Nunarput qanoq suleqataasinnaanera aamma oqaluuserineqarluni
2020 nallertinnagu nunarsuatsinni silaannaap kiassusaa marlunnik qaffassanngitsoq pillugu Nunarsuarmioqatigiit 2015-mi ataatsimeersuarnissaanni anguniarneqassaaq
Nunarsuarmioqatigiit siulittaasua Naalakkersuisut siulittaasuata ataatsimeeqatigaa. Nunat assigiinngitsut qanoq iliuuseqarsinnaanersut ilaatigut eqqartorneqarpoq, tassani Nunarput qanoq suleqataasinnaanera aamma oqaluuserineqarluni Else Olsvig - Tusagassiivik2020 nallertinnagu nunarsuatsinni silaannaap kiassusaa marlunnik qaffassanngitsoq pillugu Nunarsuarmioqatigiit 2015-mi ataatsimeersuarnissaanni anguniarneqassaaq Else Olsvig - TusagassiivikAleqa Hammond Ban Ki-moonilu Else Olsvig - TusagassiivikNunarsuarmioqatigiit silaannaap kissatsikkiartornera pillugu ataatsimeersuarneranni Aleqa Hammond oqaluttarfimmit oqalugiartoq Else Olsvig - TusagassiivikNunarsuarmioqatigiit siulittaasua Naalakkersuisut siulittaasuata ataatsimeeqatigaa. Nunat assigiinngitsut qanoq iliuuseqarsinnaanersut ilaatigut eqqartorneqarpoq, tassani Nunarput qanoq suleqataasinnaanera aamma oqaluuserineqarluni Else Olsvig - Tusagassiivik2020 nallertinnagu nunarsuatsinni silaannaap kiassusaa marlunnik qaffassanngitsoq pillugu Nunarsuarmioqatigiit 2015-mi ataatsimeersuarnissaanni anguniarneqassaaq Else Olsvig - TusagassiivikAleqa Hammond Ban Ki-moonilu Else Olsvig - TusagassiivikNunarsuarmioqatigiit silaannaap kissatsikkiartornera pillugu ataatsimeersuarneranni Aleqa Hammond oqaluttarfimmit oqalugiartoq Else Olsvig - Tusagassiivik
netredaktion (netredaktion@sermitsiaq.ag)
Published

Nunarsuarmioqatigiit ataatsimiittarfissuani New Yorkimi marlunngormat ulapputtoqarpoq.

Nunap Inoqqaavi pillugit ataatsimeersuartoqarpoq, kiisalu silaannaap kissatsikkiartornera pillugu ataatsimeersuarneq aamma ammarneqarluni.

Ataatsimeersuarnermut qaaqqusisup, Naalagaaffiit Peqatigiit Allattaanerata Ban Ki-moonip Aleqa Hammond oqallittuni oqalugiaqqullugu qinnuigisimavaa. Oqallinnermi qitiutinneqarpoq, sila pillugu ilisimasat inuup piliaanik silap kisakkiartornerata akiorniarnissaanut atorneqarsinnaanerat.

Nunat ataqatigiittariaqartut
- Inuit pinngortitami inuupput pinngortitarlu inuussutigalugu, kinguaariippassuarnilu tulluussarsimavugut. Aalisartut piniartullu ukiorpassuarni isigiuagaat ukiuni makkunani ilisimatuussutsikkut misissuinernit uppernarsarneqarput. Issittumi sila allanngoriartorpoq, allanngoriartornerlu aatsaat taama sukkatigaaq. Nunatsinni allanngoriartorneq ima sukkatigaaq, uumasut inuillu tulluussarsinnaassusaat malinnaasinnaanani, Aleqa Hammondip oqalugiarnermini ilaatigut oqaatigaa.

- Unammillerniarluta inuiaqatigiit immikkut allanngornermut tulluussarniarlugit immikkut ittumik iliuuseqarpugut, kisianni inuiaqatigiit nunarsuarmioqataasut ataatsimoortariaqarput ineriartornerlu taama ittoq iluarsineqarsinnaanngitsumik ajoqusiitinnagu unitsittariaqarlugu, Naalakkersuisut siulittaasuat oqarpoq.

Aleqa Hammond aamma Nunarsuarmioqatigiit Ataatsimeersuarnerisa saniatigut Unescop aaqqissugaanik 'Silaannaap allanngornera tulluussarnerlu pillugit nalilersuinermi inuit ilisimasaasa ilaatinneqarnissaat' pillugu pingaarnertut oqalugiartuuvoq.

Assit ataani takukkit

inuiagatigiit assit politikki
Powered by Labrador CMS