Aleqa Siumumi siulittaasunngussaaq
Aleqa Hammond marlunngornermi ullaakkut partiimi siulittaasunngussaaq, qinersinerup kinguninngua Hans Enoksen tunuarmat.
Annonse
Siumup siulersuisui 8. juni nal. 19.00 ataatsimiinnerminni aalajangerput Aleqa Hammondip partiip siulittaasua Hans Enoksen taarsissagaa.
Qinersinerup inernera tusarliunneqarmat partiillu siulittaasuanit Aleqa Hammond taaguunneqarnernerunera erseqqissimmat Hans Enoksen siulittaasutut tunuarpoq. Aleqa Hammon 1.033-nik taaneqarpoq Hans Enoksen 1.002-nik taaneqarluni.
Aleqa Hammond Namminersornerusuni Siumup ataatsimiittarfiani marlunngornermi 9. juni nal. 15.00 siulittaasutut toqqarneqassaaq.
Tassanga atatillugu Hans Enoksen allallu partiimi siulittaasuusarsimasut, Jonathan Motzfeldt aamma Lars-Emil Johansen suliaqarluarsimanerannik kiisalu allat inatsisartuni ilaasortaasarsimasut qutsavigineqassapput.