Allanngorneq annertooq: Immap qaava 1982-imiilli gradinik qulinik kissarnerulertoq
Immap aamma sikup qaavanni kissassutsit ataatsimoortillugit piffissami 1982-2021-imi 4,5 gradinik kissarnerulersimasut, ilisimatusarnerup nutaap takutippaa. Allannguut annerpaasoq Barentshavip avannaata kangiani pisoq, tassani 10 gradinik kissarnerulersimavoq. DMI taama allappoq.
Silap pissusiata allanngoriartornerata Issittoq qanoq sunnerneraa sivisuumik oqallisaavoq, maannalu nutaanik ilisimasaqartoqalerpoq, DMI allappoq.
Piffissami ukiut 40-t ingerlaneranni sumiiffimmi allorniusap sanimukartup 58-ip avannaani tamani ineriartorneq siullermeerluni ilisimatusarnerup nutaap takutippaa.
Inernerillu uissuumminarput, silap pissusiata allanngoriartornerata Issittumut annertuumik sunniuteqarneruneranik takutitsimmat:
Immap sikullu qaavi kissarnerulertut
- Immap aamma sikup qaavanni kissassutsit ataatsimoortillugit piffissami 1982-2021-imi 4,5 gradit missaannik qaffariarput – Svalbardip kangiani Barentshavip avannaata kangiani annertunerulluni, qaava tassani 10 gradinik kissarnerulerpoq, DMI allappoq.
Paasisat nutaat Danmarkimi Silap ppissusianik ilisimatusarfimmi, NCKF-imi DMI-mi katersorneqarput, qaammataasaniillu takusanit tunngaveqarlutik.
Issittumi sila 1979-imiilli 3 gradinik kiannerulersimasoq, DMI naapertorlugu aasaq misissuinermit inerniliunneqarpoq, kisianni suli annertuneruvoq:
Et studie fra i sommer konkluderede ifølge DMI, at temperaturen var steget med 3 grader i Arktis siden 1979, men det er altså endnu mere:
Siornatigut naliliineq qaangeraa
- Silap kiassusaata qaffariarnera suli annertunerusoq, misissuinermi nutaami NCKF-ip saqqummiussaani paasinarsivoq. Immap sikullu qaavi 1982-imiilli 4,5 gradinik kissarnerulerput. Qaammataasaniillu paasissutissat annertuut aamma nunap immikkoortuini assigiinngissutsit annertunerinik paasisaqartitsipput, DMI allappoq.
Ph.d. Pia Nielsen-Englyst suliniummik suliaqarpoq, DMI-mi aamma DTU-mi suliaqartarluni, maannalu Issittumi ilaani misissuinerit annertunngitsut sumiiffimmut tamarmiusumut paasisanik ilaneqarsinnaanerat, 'ilisimatuussutsimut ajugaasimaarnerusoq' taassuma oqaatigaa:
- Nunarsuaq tamakkerlugu suleqatitta maanna paasisarpassuit atorlugit sikup immallu akornanni ataqatigiinnerit allanngorarnerillu maanna pilereersut paasisaqarfigisinnaanngorpaat, DMI naapertorlugu Pia Nielsen-Englyst taama oqarpoq.