Ambulancit oqarasuaataat akornuteqartut: Ajornartorsiut aaqqinneqarpoq
Illoqarfinni arlalinni ambulancinut oqarasuaatit ippassaq unnukkut nalunaaqutaq qulingiluaniit ataatsinut tanneq qulingiluat tungaanut akornuteqarput. Maannali ajornartorsiut aaqqinneqarpoq, innuttaasullu oqarasuaatinut nalunginnaasunut sianersinnaalersut, Peqqinnissaqarfimmi aqutsisut paasissutissiissutigaat.
Annonse
Nunatsinni illoqarfinni assigiinngitsuni peqqinnissaqarfiit ippassaq unnukkut Facebookikkut nalunaarput oqarasuaatit ajormata pisariaqartitsilissagunik normumut allamut sianissasut.
Kalaallit Nunaanni Peqqinnissaqarfimmi aqutsisoqarfiup uppernarsarpaa ambulancinut oqarasuaatit akornuteqarsimasut, ajornartorsiulli aaqqinneqarsimasoq oqaatigalugu. Peqqinnissaqarfimmili aqutsisoqarfiup oqaatigisinnaanngilaa suna akornutaasimanersoq.
Innuttaasut peqqinnissaqarfinnut oqarasuaatinut nalunngeriikkaminnut sianersinnaasut ilanngullugu paasissutissiissutigaat.