Amerikamiut ministeriat qissattartoq
Sakkutuut imarsiortut angallataata 'Ejnar Mikkelsenip' amerikamiut ministeriat naalakkersuisullu siulittaasuat angallappai.
Amerikamiut sakkutuunut imarsiortunut ministeriat Ray Mabus nersualaarivoq angalaqatini ilagalugit sakkutuut imarsiortut angallataanik 'Ejnar Mikkelsenimik' Nuummut nal. 15 tikikkami.
- Angalanerput nuanneqaaq, Ray Mabus sermitsiaq.AG-mut oqaluttuarpoq Nuup kangerluani angalaareerluni.
Akunnerit arfinilli angalaarnermini annanniummit aalisarnissaminut periarfissaqarpoq.
- Aatsaat taama nuanenrtigisumik aalisariarpunga. Saarullillutalu suluppaagarpugut, Naalakkersuisut siulittaasuata aalisarfinnaani. Angeqaat. Isumaqarpungalu illoqarfik qanilliartortillugu aalisakkat alliartortut, Ray mabus illarluni oqaluttuarpoq.
Amerikamiut sakkutuunut imarsiortunut ministeriat ulluni pingasuni nunatsinniippoq. Taassuma siorna ilaatigut Spaniami, Belgiami Estlandimilu angalavoq kingornalu USA-mi Washingtonimut angerlarluni ullut arfineq marluk angalareerluni.