Anders Breivik sapaatip akunnerini arfineq pingasuni paarnaarussaagallassaaq

Oslo-mi qaartitsinini Utøya-milu toqoraanini pissutigalugit Anders Breivik sapaatip akunnerini arfineq pingasuni paarnaarussaagallassaaq - sapaatip akunnerini siullerni sisamani kisimiisinneqassalluni.
Illersuisortissami saniatigut piffissami tassani inunnik allanik atassuteqarnissaminut periarfissaqassanngilluinnarpoq.

Tupigusuutigineqartumik sikvikitsuaqqamik killisiorneqareerluni, 32-nik ukiulik Anders Behring Breivik Oslo tingrett-imiit ataasinngornermi nal. 14.30 biilinik aallarunneqarpoq mandag. Norgemi inummik qinngarsorneqarnerpaamik killisiuineq minutsinik 30-40-innarnik sivisussuseqarpoqkillisiorneqarpoq.

Killiiuineq tamanut aamma tusagassiuutinut matoqqavoq, killisiuinerulli kingorna tingrett-imi eqqartuussisup Kim Heger-ip aalajangiinerminnut atatillugu oqaatigaa, Anders Behring Breivik sapaatip akunnerini arfineq pingasuni paarnaarusimaneqarallassasoq.

Breivik-ip killisiorneqarnermini iliuutsiminut utoqqatsissutitut oqaatigaa, Norge-p Europallu killiup muslim-init marx-imillu upperinnittunit sunnerneqarnissaa tiguarneqarnissaalu pinngitsoorniarlugit taamatut iliuuseqartariaqarsimalluni.

Breivik-ip aamma oqaluttuaraa, innuttaasut sakkortunerpaamik paasitinniarlugit qaartartumeerisimalluni Utøja-milu toqoraasimalluni, kiisalu Arbeiderpartiip ajornerpaamik akornuserneqarnissaa siunertarisimagini. Arbeiderpartiip nuna sanngiillisippaa killuussisutullu iliuuseqarfigalugu, eqqartuussisup Kim Heger-ip Breivik oqarsimanerarpaa.
"Tallimanngormallu taakkua (Arbeiderpartii, aaqq.) killuussinertik pillugu pillarneqarput", killisiuinermit naalisagaq tusagassiuutinut saqqummiunneqartoq naapertorlugu Breivik oqarsimavoq.

Breivik aamma nassuiaanermini oqarpoq, Arbeiderpartii eqqarsariartaatsimigut norgemiut kulturiata aaqqissuussaaneranik aseroterisuusoq muslim-inillu amerlasoorpassuarnik isaatitsisuusoq. Tamakkununngalu akisussaaffimminik partii tigusisariaqartoq.

Taama sivisutigisumik paarnaarusimatitsigallarnissaq qaqutigoortuuvoq. Norgemi sakkortuumik pinerluuteqarsimasutut pasineqartut, nalinginnaasumik sapaatip akunnerini sisamani paarnaarusimagallarneqartarput.

Killisiuineq aallartitsinnagu , paasiniaanertik pissutigalugu Breivik-ip sapaatip akunnerini arfineq pingasuni paarnaarusimagallarneqarnissaa politiit piumasarisimavaat.
Taama sivisutigisumik paarnaarusimagallarneqarnissaanut nassuiaalluni eqqartuussisoq Kim Heger oqarpoq, Breivik killisiorneqarnermini oqarsimasoq, "kattuffimminni suli marlunnik eqimattaqartoq". Taamatulli oqarsimanera eqqartuussisup Kim Heger-ip tusagassiuutinut itisilinngilaa.

Qaqugu Breivik eqqartuunneqalissanersoq maannakkut oqaatigissallugu suli piaarpallaarpoq. Norgemiut TV-qarfianni, NRK-mi oqaatigisat naapertorlugit, ukioq ataaseq qaangiuppat aatsaat eqqartuussineq aallartinneqarsinaavoq.

Anders Behring Breivik-ip nassuerutigaa, tallimanngormat ualikkut Oslo-p qeqqani qaartitsinermut kiisalu kinguninngua qeqertami Utøya-mi inuusuttunik toqoraanermut nammineq akisussaasuulluni. Inuusuttut, socialdemokraatit inuusuttaannut ilaasortat qeqertami tammaarsimaaraluarput.