Angajoqqaarsiat 17-it amigaataapput
Kalaaliaqqat qaammatini marlunni Fredericiamiinnissaannut qaammat ataaseq sioqqullugu suli 17-it angajoqqaasiasaannik amigaateqartoqarpoq.
42-ssaanik Fredericiami Ilulissaniit 11-nik ukiulinnik tikeraartoqassaaq. Taama ukiullit tamarmik Danmarkimiinnissamik neqeroorfigineqartarput, tassani qallunaat kulturiannik inuiaqatigiinnillu paasisaqarnissaminnik periarfissaqarlutik.
Ukioq manna Ilulissaniit 11-nik ukiullit 64-iupput - taakkunannga 58-init neqeroorut ilassiluarneqarluni. Kommunilli ernummatigaa suli pingajorarterutaat angerlarsimaffissaqanngimmata - taama kingusitsigisukkut.
- Piumasaqaataanngilaq taama ukiulinnik angerlarsimaffimmiittoqarnissaa. Taamaallaat tikilluaqqusinissaq pineqarpoq, Fredericia Kommunemiit John Bech Hansen oqarpoq.
Pingasunngorpat unnukkut Fredericiap timersortarfiani John Bech Hansen paasissutissiilluni ataatsimiisitsissaaq. John Bech Hansenilu oqarasuaatini angallattagaq ammatissavaa, angajoqqaarsianngorusuttut sianerfigisinnaaniassammassuk. Taassuma normoraa 4032 0815.