Angalarusunnersuaq misissorneqarli
Demokratit piumasaraat Nunanut Allanut Tunngasunut Naalakkersuisuusarsimasut angalanermut kontoisa misissorneqarnissaat.
Kikkut angalappat, sumut angalappat, angalanermut, angalanermi ullormusianut, ajunngitsorsianut kiisalu tunissutinut aningaasartuutit qanoq annertutigaat?
Apeqqutit tamakkuupput Palle Christiansenip Demokratineersup Naalakkersuisunut kingumut 1. januaari 2003 aallarnerfigalugu akissuteqaatigiffigeqqusai.
- Piffissap ingerlanerani Nunanut Allanut Tunngasunut Naalakkersuisuusarsimasut akornanni angalanissamik nuannarisaqarneq pisarsimavoq, imaassinnaavorlu Naalakkersuisunut Ilaasortat Per Berthelsenip saniatigut angalanissat suut pisariaqarnersut suullu pisariaqarsimannginnersut immikkoortikkuminaattarsimasut. Taamaattumik Demokratit pisariaqartippaat naalakkersuisoqaarfimmi tassani Naalakkersuisunut Ilaasortaasarsimasut akornanni ukiuni kingullerni angalasarsimanerit misissorneqarnissaat, Palle Christiansen tunngavilersuilluni allappoq.