Angallannikkut ajornartorsiutit Avannaa eqqornerlukkaat
Avannaani qulimiguulinnut billetsit Kujataanut naleqqiullugit akisunerupput, angalanissanillu unitsitsiinnartarnerpassuit ilaasunik eqquinerlupput. Billetsilli akiisa nikingassutaat annikitsuinaasoq Air Greenland oqarpoq.
Qulimiguulimmik angallannermi Avanaani billetsit akii Kujataanut naleqqiullugit akisunerupput. Taamaakkaluartoq akit nikingassutaat annikitsuinnaasoq, sumullu angalaneq qaqugukkullu biletsi inniminnerneqarsimanersoq aamma apeqqutaasartoq, Air Greenlaandimiit oqaatigineqarpoq.
Aviisi Sermitsiaq taama allappoq.
Aammali Air Greenland qulimiguulimmik ilaasunik angallassineq eqqarsaatigalugu Avannaani annertuumik unammilligassqarpoq. Angalanissanimmi unitsitsiinnartarneq pissutaalluni anaanaq inuusuttoq taassumalu ernera quligiluanik ukioqartoq, Narsamiit Kullorsuarmut juullisiorarlutik angalammata, angalanerat katillugu qaammatip ataatsip missaa kinguaattoorfiuvoq. Taakku maanna Narsamut utereersimalerput, anaanaasorli Inuili-mi ilinniartuusoq ullut atuarfiusut arfinillit atuarfiginngitsoorpai.
Billetsit akisuut
Air Greenland-ip nittartagaani qulimiguulimmut angalanissamut billetsinik pisinermi Avannaani illoqarfiit nunaqarfiillu akornanni billetsit Kujataani naleqqiullugit malunnaatilimmik akisunerupput.
Aviisimi Sermitsiami atuarnerusinnaavutit, soorlu aamma akit nikinganeri pillugit misissuisimanerit atuarsinnaallugit. Aviisi uani pissarsiariuk: