Angerlarsimaffeqanngitsoq eqqaaviup iluani najugaqartariaqarsimasoq
Inuit namiinneq piumassutsiminnik sulisut tallimat, Nuummi angerlarsimaffeqanngitsunut unnuisarfimmik igaffittalimmik pissarsiorput - inissaaleqinerli aporfiusarpoq
Angerlarsimaffeqanngitsoq 48-nik ukiulik Uusaqqaq Oodaaq ukiuni marlunni containerimi eqqaavimmi unnuisariaqartarsimavoq. Taanna ukiuni marlunni angerlarsimaffigaa. Sapaatilli akunnerani kingullermi quimut nuussimavoq.
-Angutip inussiarnersup suliffini qui atukkuppaa. Naak qulleqaranilu kiassaateqanngikkaluartoq qujangaarpunga ikiuunneranut, Uusaqqaq Oodaaq Nuuk Ugeavisimut oqarpoq.
Uusaqqaq Oodaaqs containerimi inuunerata, inuit tallimat Nuummi angerlarsimaffeqanngitsunut unnuisarfimmi igaffittalimmik ujarlerneq aallartippaa.
-Qanoq aamma angerlarsimaffeqanngitsut isiginngitsuusaaginnassavagut, Storm Ludvigsen oqarpoq. Taanna piumassutsimik sullisseqataalluni aallartissimavoq.
- Tallimaallunta inimik tulluartumik ujarlerpugut, neriuppugullu ukioqqitsinnagu nassaarsinnaassalluta, Storm Ludvigsen oqarpoq.