Angerlarsimaffeqanngitsunut kollegiat unnuisarfiillu
Nuup Komunea 2008-mi ilaatigut inissiannik 100-nik, kollegianik innarluutillillu ornittagassaanik 100-inik sanaartorniarpoq.
Qinngorpumi atuarfik nutaaq, ulluunerani paaqqinnittarfik, meeqqat innarluutillit ornittagassaat, inissiat nalinginnaasut 100-t ilinniagaqartunullu kollegia 2008-mi sanaartugassanut kissaatini pingaarnersanut ilaapput. Saniatigut aamma angerlarsimaffeqanngitsunut unnuisarfiutigisinnaasumik pilresitsisoqarnissaanut aningaasanik immikkoortitsisoqarsimavoq.
Nuup Kommuneani suliniutit aningaasanik atuiffigerusutat ilagaat Nuuk Kommuneanut psykologimik isumaginninnermik ingerlatsivimmi nakkutiginnittussamik atorfinitsitsineq, inuussutissarsiornermut ingerlatsivimmi nunap avataanut tunngaasunik siunnersuisartoq aamma kulturikkut immikkoortortami sulisussaq.
Aamma suliniutinut meeqqat atugaannut pitsaalerulersitsisussanut ataasiartumik aningaasaliissutit 0,5 mio. kr.-nit immikkoortinneqarsimapput.