Angerlarsimaffeqanngitsunut unnuisarfik: Oqummik pasitsaassineq
Angerlarsimaffeqanngitsunut unnuisarfik Ernutaq 16-inut inissalik oqoqarneranik pasitsaanneqarpoq.
Kommuneqarfik Sermersooq Angerlarsimaffeqanngitsunut unnuisarfimmi Ernuttami siniffiit 16-inik ikilisittariaqarsimavai oqummik pasitsaassinerup ilumoorneranik misissuinerup naammassinissaata tungaanut.
Tamanna Isumaginninnermut Suliffeqarnermullu ataatsimiititaliap februaarip arfernani kingullermik ataatsimiinnerani ilisimatitsissutigineqarpoq.
- Tamatuma kingunerivaa, siniffissat 96-iusut 16- inik ikisittariaqarsimanerat, tassa siniffissat 80-inngorlutik, ingerlatsivik ilisimatitsivoq.
Sulisunik allamut nuussineq
Aamma ilisimatitsissutigineqarpoq silaannaap misissorneqarnerata inernera utaqqitillugu sulisut sisamat allamut nuunneqartariaqarsimasut.
Aamma pasitsaassinerup kingunerisaanik Uummateqarfik, innuttaasunut atugarliortunut angerlarsimaffeqanngitsunullu ulluinnarni inuunerminni ikiorneqarnissamik pisariaqartitsisunut ikiorsiissutaasoq matugallarneqarallarpoq. Tassani innuttaasut pisariaqartitsisut Aqqusinermi ujartuillutik angalaartartunut attaveqarsinnaapput.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...