Angut ajutoorfinnit marlunnit qimaasimasoq: Qaammatini arfinilinni ingerlatsisinnaanermut allagartani annaagaa
Eqqartuussiveqarfik Sermersuumi angut biilinik marlunnik tunuatigut Nuussuarmi sumiiffinni assigiinngitsuni marlunni siorna apuisimasutut eqqartuunneqarpoq. Ingerlatsisinnaanermut allagartani qaammatini arfinilinni annaavaa aamma 22.000 koruuninik akiligassinneqarpoq.
Angut pingasunngornermi 18. oktobarimi aqqusinermi angallannermi inatsimmut tunngasunut pisuni pingasuni eqqartuunneqarpoq.
Allagaq unnerluussissut naapertorlugu, naak angutip napparsimanini pissutigalugu tamakkiisumik toqqissisimanartumik biilimik ingerlatsisinnaanngikkaluarluni biilersimavoq.
Taamatut mianersuaalliornerata 28. april 2022-mi ullaakkut aqqusinermi ajutoornernik marlunnik kinguneqartitsisimavoq, pineqaatissinneqartullu biilit marluk tunuatigut Nuummi Qinngorpumi qanippallaarluni aporsimavai. Allagaq unnerluussut naapertorlugu ajutoorfiusunit marloriarluni ingerlaannarsimavoq, biilillu marluk apugai ajoqusingaatsiarsimapput.
- Suliaq aqqusinermi angallannermut tunngasoq ingasattoq pineqarpoq, tassani pineqaatissinneqartup biilit marluk aporpai ajutoorfiusorlu ikiuinani imaluunniit biilertut ajoqusertut ikiortissaanik noqqaanani ingerlaannarpoq. Aammattaaq unnerluutigineqartoq pinerlunnermini napparsimaneq pissutigalugu toqqissisimanartumik biilersinnaasimanngilaq, unnerluussisoq Line H. Pedersen pineqaatissiisoqarnerata kingorna oqarpoq.
Ingerlatsisinnaanermut allagartaq annaagaa
Unnerluutigineqartup eqqartuussiveqarfimmit eqqartuussut akueraa, tassa qaammatini arfinilinni ingerlatsisinnaanermut allagartamik arsaarneqarnini, aamma 22.000 koruuninik akiligassiisoqarnera akueralugu. Pineqaatissinneqartuttaaq biilip aappaani aquttumut anniartitsinermut taarsiissuteqarnermut akiliissaaq. Taarsiinissamut apeqqutip aappaa inuit saqitsaannerattut suliarineqassaaq, unnerluussisoq ilisimatitsivoq.
- Ilaatigut qaammatini arfinilinni ingerlatsisinnaanermut allagartamik arsaarneqassasoq aamma biilip aappaani aquttumut ajoqusertumut, kingorna katsorsarneqarnissamik pisariaqartitsisumut taarsiissuteqassasoq piumasaqaatigaarput. Taamaattumik eqqartuussiveqarfiup pisuni pingasuni tamani piumasaqaativut malimmagit, unnerluussisussaatitaasut naammagisimaarpaat, Line H. Pedersen oqarpoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...