Angut eqqarsartaatsimigut katsorsarneqartussanngorlugu pineqaatissinneqartoq
Arnamik 50-nik ukiulimmik angut 51-nik ukiulik pinngitsaaliisimasutut eqqartuunneqareersoq eqqarsartaatsimigut Danmarkimi katsorsarneqartussanngorlugu Kalaallit Nunaata Eqqartuussiviata aalajangerpaa
Angut 50-nik ukiulik killiligaanngitsumik Danmarkimi eqqarsartaatsimigut katsorsarneqassasoq Nunatta Eqqartuussiviata aalajangerpaa pingasunngormat.
Unnerluussisut suliaq ingerlateqqereeraat Nunatta Eqqartuussivia taama aalajangerpoq.
Politiit tusagassiutinut nalunaaruteqarput.
- Angut arnamut savimminermik kiinaasigut anaasisimasutut kingornalu kinguaassiuutitigut atornerluisimasutut unnerluunneqarpoq. Pinngitsaaliisimanngitsutut eqqartuussivimmit aalajangerneqarpoq, nalunaarutigineqarpoq.
Arnamut allamut persuttaaneq
Arnamut allamut 2018-mi persuttaasimasutut aamma eqqartuunneqarpoq.
- Paasisat aallaavigalugit Nunatta Eqqartuussivianut suliamik ingerlatitseqqittoqarnissaa pissutissaqarluartutut isigigatsigu ingerlateqqinnikuuarput, unnerluussisoq Emil Maegaard-Hoffmann tusagassiutinut nalunaarummi oqarpoq.
Pinngitsuunerartoq
Angut unnerluutigineqartunut pinngitsuunerarluni oqarpoq. Taamaattoq uppernarsaatit najoqqutaralugit sulinermi angut pinngitsaaliisimasutut aamma persuttaasimasutut pineqaatissinneqarpoq.
- Nunatta Eqqartuussiviani suliap naammassinera naammagisimaarpara, aamma angutip Danmarkimut katsorsarneqarnissaanik piumasaqarnermut ilalerneqarmat nuannaarutigalugu.
Tarnimigut napparsimasoq
Angutip tarnimigut napparsimasuunera pissutigalugu Danmarkimi katsorsarneqarnissaa unnerluussisunit anguniarneqarpoq.
- Angut Danmarkimi katsorsarneqartariaqarpoq. Pinerluttunik pineqaatissiisarfiup aamma eqqartuussiviup katsorsarneqarnera aatsaat illersorneqarsinnaalerpat katsorsarneqarnera taamaatinneqassasoq aalajangerneqarpoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...