Angut inunnik 14-inik toqutseriarsimasutut unnerluunneqartoq
Angut 21-nik ukiulik Narsameersoq inunnik 14-inik toqutseriarsimasutut unnerluutigineqarluni eqqartuussaasussanngortoq, politiit ilisimatitsipput.
Angut 21-nik ukiulik siorna marsip 22-ani qulimiguulimmik aallaasersornerminut atatillugu unnerluutigineqarpoq.
Angut inunnik 14-inik toqutseriarsimasutut politiit unnerluutigaat.
- Ullormi pineqartumi angut illoqarfimmi inunnut nalaatsornerinnakkut takkussimasunut qulimiguulimmullu ilaasoqartumut Narsap heliportiani milertumut arlaleriarluni aallaaserluni seqqortarsimavoq.
- Inuit marluk eqqorlugit aallaaneqarsimapput, inuillu allat pingasut angutip aallaasersorneranit ajoqusersimallutik, Kalaallit Nunaanni Politiit tusagassiuutinut nalunaarummi allapput.
Politiit nangillutik ilisimatitsipput angut ilaatigut ikuallatsitsisimasutut, nakuusersimasutut saneqqutaminullu toqumik sioorasaarisimasutut unnerluutigineqartoq.
Angut 21-nik ukiulik eqqartuussivimmi martsip 18-aniit 22-anut 2024-mi eqqartuunneqartussanngorpoq. Pissutsit immikkuullarissut pissutigalugit eqqartuussineq Aarhusimi eqqartuussivimmi ingerlanneqassaaq.
21-nik ukiulik Narsami marsip 22-ani 2023-mi tigusarineqarpoq, tamatumalu kingorna politiinit tigummigallarneqarluni.