Angut inuusuttoq aasarsiortarfimmi ipisimasoq
Angut inuusuttoq 21-nik ukiulik Sisimiut eqqaani Itillip kangerluani ippassaq ipisimavoq, KNR allappoq.
Annonse
Ippassaq angut 21-nik ukiulik Sisimiut eqqaani angallammiit imaanut nakkarsimalluni ipisimavoq. KNR taama allappoq.
Ajutoorneq aallaarsimaarnermut atatillugu pisimavoq.
Politiit nal. 18.45 missaani ajutoortoqarsimasoq kalerrinneqarput qulimiguulimmillu politiinik qatserisartunillu inuttalerlugu ajutoorfiusumukartitsillutik.
Angallat alla aasarsiortarfimmi ajutoorfiusumut apuussimavoq 21-nillu ukiulik imaanut nakkarsimalluni ipisimasoq nassaarisimallugu.
Anersaartunngitsoq uummarsaatigalugu Sisimiuliaakkaluarpaat.
- Kisianni tassa taqqamani aallaarsimaqataasut aamma helikopterimi inuttat, napparsimavimmilu sulisut annaassiniarigalui kinguneqanngitsoorput, Qeqqata Politiivini pisortaq Johan Davidsen KNR-imut oqarpoq.