Angut kiinaagut kiivaa
Angutip tyvit missaanni ukioqartup restaurant Murphy's-ip sulisua kiinaagut ima sakkortutigisumik kiisimavaa politiit ulluni 13-ini tigummigallarniarlugu aalajangersimallutik.
Annonse
Angut siusinnerusukkut nakuusernermik peqquteqartumik sassartinneqarnikuusoq restaurant Murphy's-imiit anisitaasimavoq, tamannalu kamaammiutigingaaramiuk sulisoq qaffasinnerusumik atorfilik kiinaatigut kiisimavaa.
- Kiisinera ima sakkortutigaaq tigummigallagassanngortinniarlugu eqqartuussivimmullu sassartinniarlugu aalajangersimalluta. Sulisoq 32-nik ukiulik angut toqqissiviilliortitsinerup kingorna anisitareersorlu kiitittoq Ilulissani politeeqarfimmi pisortaq Janus Eigaard oqarpoq.
Sapaatip akunnerata naanera angerlarsimaffinni eqqissiviilliortitsinernik pisarnermit amerlanerusunit ulapaartitsisimavoq, illoqarfimmi tusarnaartitsisoqarsimaneranit peqquteqarunartumik, Janus Eigaard ilisimatitsisivoq.