Angut tillinniartarsimasutut unnerluutigineqarluni tigummigallarneqartoq

Angut 30-nik ukiulik sapaatip-akunnerani matumani siusinnerusukkut tigusarineqarpoq, sisamanngornermilu Sermersuup Eqqartuussiviani inatsit tunngaviusoq malillugu killisiorneqarluni.

Kalaallit Nunaanni Politiit ilisimatitsissutigaat, angut tillitanik iluanaarniuteqarsimasutut - tassunga ilanngullugu pisiniarfinni arlaleriarluni tillittarsimasutut unnerluutigineqartoq.

Politiit naapertorlugit angut pineqartoq pisiniarfinni annikitsunik imigassanillu tillittarsimavoq. Tillinniarnerit tamarmik Nuummi pisarsimapput, politiillu angutip tigummigallarneqarnissaanik kissaateqarnerannut pissutaasoq tassaavoq, angutip pineqartup siusinnerusukkut pinerluuteqartarsimanera.

Eqqqartuussivimmit ulluni 26-ni tigummigallaneqarneqarnissaanik aalajangiisimaneq Nunatta Eqqartuussivianut suliareqqitassanngortinneqarsimavoq.

Angutip illersuisuata Finn Meinelip Sermitsiaq.AG-mut ilisimatitsissutigaa, angutip pissutsit arlallit unnerluutigineqarfigisani nassuerutigisimagai.

Illersuisup ilisimatitsissutigaa, pineqaatissiissut suliareqqitassanngortinneqasimasoq, tassani angutip misissuisoqarneranut sunniuteqarsinnaannginnera tunngavilersuutigineqarluni.

Nunatta Eqqartuussivianit naatsorsuutigineqarpoq, suliaq tallimanngornermi aalajangiiffigineqassasoq.

Nunattali Eqqartuussivianit angutip tigummigallarneqarnissaa aalajangiussimaneqarpoq.