Angut umiatsianut tillinniartutut pasineqartoq tigusarineqartoq
Sapaammi unnuakkut angut 23-nik ukiulik politiit tigusaraat, taanna umiatsiamit ataatsimit imaluunniit arlalinnit tillinniarsimasutut pasineqarpoq.
Kalaallit Nunanni Politiit sapaatip unnuaani Nuummi Nuussuarmi puttasoqarfimmi tillinniartoqarsinnaanera pillugu nalunaarfigineqarput.
Pigaartut pisortaat Ole Hald, Sermitsiaq.AG-mut oqaluttuarpoq.
- Nal. 03.07 nalunaaruteqartoq sianerpoq, umiatsiaminilu videomik nakkutilliissuteqarluni oqarpoq, taanna Nuussuarmiippoq, takananilu aalasoqartoq oqaluttuaraa, pigaartut pisortaat oqaluttuarpoq.
Nalunaarutiginnittoq sumiiffimmut nammineq orniguppoq, politiillu aamma ornigupput.
Nukappiaqqat marluk angullu inuusuttoq attaveqarfigineqartut
Politiit tassunga atatillugu inunnut pingasunut attaveqarput. Nukappiaqqat marluk 14-inik aamma 15-inik ukioqartut, kiisalu angut 23-nik ukiulik.
- Nukappiaqqat marluk ilaqutaannut tunniunneqarput, 23-nillu ukiulik tigusarineqarpoq, Ole Hald oqaluttuarpoq.
23-nik ukiulik qaammartartoqarlunilu savimmik tigummiaqarpoq, taakkulu nassuiarsinnaasimanngilai. Taakku umiatsiamit ataatsimit arlalinniilluunniit tillitaasutut politiit nalilerpaat, 23-nik ukiulik tassani pasineqarpoq.
Savik qaammartartorlu politiinit isumannaarneqarput, inuttaannut eqqortunut tunniunneqarnissaa siunertaralugu.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...