Angut utoqqasaaq ujajaaffigineqartoq
Politiit takunnissimasinnaasunik ujarlerput, angutip 68-inik ukiullip sisamanngormat Nuummi angutinit marlunnit ujajaaffigineqarnerata kingorna
Nuummi politiit sisamanngormat ullaakkut nalunaarfigineqarput angut utoqqasaaq ujajaaffigineqarsimasoq.
- Ujajaaneq pivoq Qapiarfiusaami blok 17-imi nalunaaqutaq 07.20. Angut 68-inik ukiulik blok 17-iliarsimavoq Kamik Centermarkedimi aningaasanik tigusisarfimmi nalunaaqutaq 07.15 tigusereerluni. Tamatuma kingorna angut blok 17-imi opgang G-mi angutinit ilisimaneqanngitsunit marlunnit saassunneqarpoq. tillinniat angut aningaasivianik 2.400 koruuninik imalimmik arsaarpaat, politikommissær Niels Nyvang paasissutissiivoq.
- Ajoraluartumik tillinniat pillugit annikitsuararsuaannarnik paasissutissaqarpugut. Tillinniat marluullutik kalaalerpaluttuupput 175-180 centimeterit missaannik angissuseqarlutik. Marluullutik taartumik kavaajaqarput, taanna oqarpoq.
Politiit takunnissimasinnaasunik ujarlerput, sisamanngormat ullaakkut Qapiarfiusaami blok 17-ip eqqaani pasinarsinnaasunik takunnissimasunik, politiillu aamma tillinniat pillugit paasisaqarusupput.