Aningaasanik millioninik anngiortumik annisseriaraluartut
Angutit qallunaat marluk aningaasanik 1,1 million koruuninik Kalaallit Nunaannit anngiortumik annisseriaraluartut februaarimi tigusarineqarput. Tamanna qaammatini arfineq-pingasuni pineqaatissinneqarsimasunut inissiisarfimmiittussanngornerannik unioqqutitsinikkullu pissarsianik atueqataasimasutut eqqartuussuteqarfigineqarnerannik maanna akeqarpoq.
Angut marluk 44-nik aamma 27-nik ukiullit tillitanik atueqataasimanermut eqqartuussummik atuisussanngortinneqarpoq Kalaallit Nunaannit aallariartorlutik Nuummi mittarfimmi kuffertimi aningaasarpassuarnik tigummiaqartut paasineqaramik.
Aviisi AG taama allappoq.
Angutit taakkua marluullutik eqqartuussivimmi suliap Eqqartuussisoqarfimmi Sermersuumi sapaatip-akunnerani kingullermi pingasunngornermi ingerlanneqarnerani nassuerutigaat 410.000 koruuninik aamma 700.000 koruuninik tigummiaqarsimallutik.
- Uanga nammineq ilaquttamalu isumannaatsuunissarput eqqarsaatigalugu itisileerusunngilanga, 44-nik ukiulik meeqqanut ukiukitsunut marlunnut ataataasoq, oqarpoq.
Taamatuttaaq 27-nik ukiulik itisileerusunngilaq killisiuinermilu unnerluussisumit apeqqutigineqartut amerlanersaannut akisarluni »oqaaseqarusunngilanga«.
Sakiatsiariit
Unnerluutigineqartut inimi eqqartuussiviusumi killisiorneqarmata paasinarsivoq taakkua sakiatsiariittut. Kalaallit Nunaaliarsimapput aalisariarlutik aallaaniariarlutillu.
44-nik ukiulik nassuiaavoq, Nuummiinnermini attaveqarfigineqarsimalluni aningaasat anngiortumik anninnissaannik neqerooruteqartumit. Tamatumunnga akissarsiat tassaapput aningaasat 10 procentii, tassa 41.000 koruunit.
Eqqartuussineq eqqartuussullu pillugit aviisimi AG-mi atuarnerusinnaavutit. Aviisi uani ataani pissarsiarisinnaavat.