Aningaasanik tigusissutinik suli peqquserluttoqarpoq
Danskit sumik ilimasunngitsut aningaasanik tigusissutaat pinerluttunit alapernaaneqarlutik atuarneqartarput. Ukioq manna pingajussaa pinerlunnerit taamaattut Sjællandimi naammattoorpagut, politiit oqarput.
Sjællandi sulinngiffeqarfigigukku aningaasanik tigusisaat atorlugu tigusiniaruit mianersoqqissaassaatit.
Sapaatip akunnerata naanerani ataasinngornermilu politiit paasivaat aningaasanik tigusisarfinni Roskildemi, Køgemilu alapernaarsuutinik anngiortumik ikkussuisoqarsimasoq, vicepolitiinspektør Jens Møller Midt- og Vestsjællands Politiineersoq paasissutissiivoq.
- Alapernaarsuutit tigusissutip ikisarfiata quppaarannguanut ilineqarsimapput aammalu kisitsisinik naqitsiviit atuaasinnaasunik ikkussiffigineqarsimallutik, Jens Møller oqarpoq.
- Takusinnaasarput naapertorlugu atortorissaarutit nutaaliaapput. Bankimi sulisuugaluilluunniit takusinnaanngilaat pinerlunniartartut aningaasanik tigusisarfinnik passussisimagaangata.
Ulluni makkunani Rumæniamiut tallimat isertitsivimmiipput skimmingimik taaneqartumik pinerlussimasorineqarlutik. Pinerluttulli taarseraatiinnavikkunarput, Jens Møller oqarpoq.
PBS-ip pissusissamisut ingerlanngitsut ilaat paasisarpaat, politiilli inuit kaammattorpaat aningaaserivimmiittuutiminnik alapernaasseqqullugit.