Aningaasanut inatsit: Asii tusagassiortunik katersortitsinissamut qaaqqusivoq
Naalakkersuisut aningaasanut inatsisissap isumaqatigiissuteqarfigineqarsimanera pillugu sisamanngornermi ualikkut tusagassiortunik katersortitsissapput.
Aningaasaqarnremut Naalakkersuisoq Asii Chemnitz Narup (IA) aappaagumut aningaasanut inatsisissaq pillugut isumaqatigiissuteqarsimarpasippoq.
Asii Chemnitz Narupip tusagassiorfinnut naatsumik nalunaaruteqarluni 2022-mut aningaasanut inatsisissamik isumaqatigiissuteqarsimaneq pillugu tusagassiortunik katersortitsinissaq pillugu nalunaaruteqarpoq.
Tusagassiortunik katersortitsineq ullumi sisamanngornermi novembarip 18-iani nalunaaqutaq 15.00 ingerlanneqassaaq.
Naalakkersuisup ilisimatitsissutigaa, tusagassiortunik katersortitsinermi partiit uku peqataassasutoq: Naleraq, Demokraatit aamma Atassut kiisalu Inuit Ataqatigiit. Partiit isumaqatigiissuteqarfigineqarsimasut saqqummiussinermi peqataasarnerat ileqquuvoq.
Partii Siumut eqqaassanngikkaanni, partiit tamarmik aappaagu aningaasanut inatsisissamut tapersiisimarpasipput.
Sisamanngornermi ullaakkut Siumumit nalunaarutigineqarpoq, Parisimi isumaqatigiissutip isumaqatigiinngissutaanera pissutigalugu isumaqatiginninniarnernut peqataajunnaarlutik.
Isumaqatigiissummi akissutissarsineqartussatut naatsorsuutigineqartut ilagaat, Qaqortumi timmisartoqarfiliornissaq qanoq akilerneqassanersoq.