Annertuumik akiitsullik aalisargartassinneqaannartassapput
Aalisartut pisortanut annertuumik akiitsullik aalisargartassiissutinik qinnuteqarnissamut periarfissaqaannassasut, Naalakkersuisut maleruaqqusat allanngortinneqarnissaanik pilersaaruteqaratik isummerput.
Juulip qaammataani paasinarsivoq, akuersissutaatillit 17-it pisortanut 1 aamma 5 millioner koruunit akornanni akiitsoqartut. Akuersissutaatillillu marluk 5 aamma 10 millioner koruunit akornanni akiitsoqarlutik. Aalisartut taakku pisassiissutinik suli qinnuteqarsinnaasut Aalisarnermut Naalakkersuisup Erik Jensenip Sofia Geislerimut paragra 37 naapertorlugu akissuteqaataani allassimavoq.
Pinngitsaaliissummik tunisineq
Akissuteqaammilu aamma allassimavoq, Aningaasaqarnermut Naalakkersuisoqarfik akuersissutaatillit 19-it akileeqqussummik nassinneqarsimasut, “akiitsoqartorlu pineqartoq akiliutaasinnaasunik pigisaqarsimappat akileeqqusinermik kingornagullu pinngitsaaliissummik tunisinissaanik naggataatigut kinguneqarsinnaalluni”.
- Siunissami qinnuteqartup pisortanut akiitsoqannginnissaanut piumasaqaatinut siunissami ilanngussinissamik Naalakkersuisut massakkut pilersaaruteqanngillat, Erik Jensen paasissutissiivoq aalajangernerlu imatut tunngavilersorlugu:
- Aalisartut inuussutissarsiutiminnik atuisinnaajunnaamissaannik Naalakkersuisut kissaateqanngillat, taamaattorli akuersissutaateqartunut ataasiakkaanut taakku akiitsui
pillugit akilersuinissamik isumaqatigiissuteqarusunnerullutik.
Ammanerulernissaq itigartitsissutigineqartoq
Ilanngullugu paasissutissiarineqarpoq, aalisagartassiissutinik agguaassinermut atatilllugu ammanenerusumik ingerlanneqartalernissaa pilersaarutigineqanngitsoq.
- Naalakkersuisut susassaqarfimmut pisassiissutinik tunniussisarnermut tunngatillugu aalajangiisinnaatitaanerup aalajangiisartussamut tunniunnissaanut massakkut pilersaaruteqanngillat, tassani Naalakkersuisut aallartitaasa saniatigut soqutigisaqaqatigiit attuumassutillit ilaasortaatitaqarfiannut aamma tunngatillugu, Erik Jensen paasissutissiivoq.
Taanna isumaqarpoq, Naalakkersuisut ammalluinnartumik ingerlatsisut.
- Tamatumani isumarput aamma tassaavoq pisassiissutinik agguaassinermi aalisarnermik soqutigisallit ilanngunnerisigut ammanerusumik periaaseqartoqalernavianngitsoq, tassami akerlianik
sunniuteqarsinnaammat. Pisassiissutinik agguaasarnermut tunngasunik oqartussaaffiup ilaanik qlnikkanit inuussutissarsiortunut namminersortunut tunniussisoqassagaluarpat inuiaqatigiit pigisaannik aalajangiisinnaanermik tunniussinerussaaq. Inuiaqatigiit
pigisaannik isumalluutinik aqutsinermut tunngasunik namminersorlutik inuussutissarsiuteqartunut aalajangiisuusumik sunniuteqartunut tunniussisoqassagaluarpat tamanna tamat oqartussaanerinngikkaat isumaqarpugut.
Oqartussaaneq tam anna qinikkaniittariaqarpoq, taakku inuiaqatigiit ataatsimut isigalugit tamanut iluaqutaasumik aalajangiiniarsinnaammata, Erik Jensen Sofia Geislerimut nassuiaavoq.