Aqqartartut "Hans Hedtoft" ujarniarpaat
1959-miilli paasineqarsimanngisaannarpoq umiarsuaq Kalaallit Nunaaliartaat nutaaq »Hans Hedtoft« sumut pisimanersoq. Maannakkut aqqartartut ilisimasassarsiornissamut aningaasanik katersipput.
Annonse
Annanniut tassatuaavoq nassaarineqartoq, maannakkulli ilisimasassarsiortut »Hans Hedtoft« ujarnialerpaat.
Ilisimasassarsiorniartut aningaasanik katersuiniarlutik nuna tamakkerlugu oqalugiariaqattaarput, pingasunngorpallu novembarip 3-ani nalunaaqutaq 14 ilisimasassarsiortut siuttuat, aqqartartoq atuakkiortorlu Thomas de Richelieu atuakkiortorlu oqaluttuarisaanermik soqutigisalik Thomas Rockwell umiarsuup sananeqarnera, Qaqortumut tikeqqaarneq kiisalu uterluni Danmarkiliarnermini tammarnera pillugit oqalugiassapput Smørum Bibliotekimi.
Taama allappoq Frederiksborg Amts Avis.