Aqqusinermi ajutoortoqarnerani aqqusineq matuneqarallartariaqarsimasoq
Nuummi ikuallaaviup eqqaani marlunngornermi ualikkut aqqusinermi angallannermi ajutoortoqarpoq. Aqqusineq matoqqasimagaluartoq maanna ammaqqinneqarsimavoq. Ajutoornermi ilaasut marluk pinartoqartillugu nakorsiartarfiliaanneqarput.
Nuussuarmiit Qinngorpumut aqqusinermi marlunngornermi ualikkut ajutoortoqarsimavoq. Kalaallit Nunaanni Politiini pigaartut pisortaata Preben Kleistip tamanna Sermitsiaq.AG-mut uppernarsarpaa.
- Biilit marluk ikuallaavimmiittumut qaninnerpaami kaajallariami aporput. Inuit marluk napparsimmaviliaanneqarput nakorsamit misissorneqassallutik, pinartoqartillugulu nakorsiartarfimmukaanneqalermata ajunngitsut ilisimatinneqarpugut, pigaartut pisortaat oqaluttuarpoq.
Politiit nalunaaqutaq 15.50 ajutoortoqarneranik nalunaarfigineqarput. Politiit, ambulancit qatserisartullu ornigupput, Nuussuarmiillu Qinngorpumut aqqusineq nalunaaquttap akunnerata affaata missaani matuneqarallartariaqarsimalluni.
Politiini pigaartut pisortaat Preben Kleist oqarpoq aqqusinermi ajutoorneq qanoq pisimanersoq politiit maannamut oqaatigisinnaanngikkaat, politiillu biilii ajutoorfiusumi suli misissuisut.
Nuup Bussii nalunaarput aqqusineq ammaqqinneqarsimasoq, bussilli aqqut 1-imi 3-milu ingerlaartut kinguaattoornissaat naatsorsuutigineqarsinnaasoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...