Aqqusinermi quasaqisumi ajutoornerit arlallit
Tallimanngormat ullaap tungaani illoqarfiit pingaarnersaanni arlallit ajutoorsimasut politiit nalunaarutigaat.
Tallimanngormat ullaakkut ullaap tungaanilu Nuummi sialussuarnera anorlerneralu pissutigalugit quasappoq.
Pigaartut pisortaata Anette Ostenfeldtip tallimanngormat ullup-qeqqanut pisut Sermitsiaq.AG-mut ima oqaluttuarai:
- Ajutoortoqaaluppoq, ajortorujussuarmilli ajutoortoqartarani, qujanartumillu ajoqusertoqarsimaneranik nalunaaruteqartoqanngilaq.
Pigaartut pisortaat oqarpoq biilit sisoorsimasuunerusut, qulliullu napasuanik minnerpaamik ataatsimik apuisoqarsimasoq.
Akunnernili kingullerni politiit ajutoornermik nalunaarfigineqarsimanngillat.
- Suli quasarluinnarpoq, kisianni ujaraararpassuaqarpoq, maannalu inuit mianersornerugunarput, pigaartut pisortaat oqarpoq.
Aqquserngit quasarneri pillugit tallimanngormat ullaap tungaani bussit Nuummi ingerlaanngillat, ullup qeqqanulli ingerlaaqqilerput.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...