Aqutsisut saqisullu ullumikkut naapissapput
– Pissutsit ataasinngormatulli iinnarput, Michael Binzer oqarpoq
Air Greenlandimi timmisartumi saqisut ullaaq manna sulileqqipput.
– Neriorsuisimavunga sulisut sulileqqippata oqaloqatiginiarlugit, tamannalu ullumikkut ingerlanneqassaaq, timmisartuutileqatigiiffimmi pisortaaneq Michael Binzer Sermitsiaq-mut taamak oqarpoq. Ataatsimiinneq Københavnimi pissaaq.
– Tunngaviatigut ataasinngormat inissisimaffitsitulli inissisimavugut, taamani aamma sulisut ataatsimeeqatiginissaannik isumaqatigiissuteqarfigisimagakkit, kisianni isumaqatigiissutit pillugit isumaqatiginninniarsinnaanngilanga, tassani timmisartuni saqisut pensiuunimut tunngasut allannguuteqartinnissaannik piumasaqaataat innersuussutigaa.
– Timmisartumi saqisut siulittaasuata Anders Mark Jensenip aqutsisnik oqaloqatiginninnissani uppernarsarpaa, aqutsisunilli ataatsimeeqatigeereertinnani oqaaseqaateqarumanani.