KL

DK

Arctic Prime Fisheries aalisapilussimasutut politiit pasivaat

Kalaallit Nunaanni Aalisarsinnaanermut Akuersissutinik Nakkutilliisoqarfiup ukioq ataaseq matuma siorna Arctic Prime Fisheries saarullittassiissutinut akuersissutinut piumasaqaatinik unioqqutitsisimasutut politiinut nalunaarutigaa. Ingerlatseqatigiiffik suliami maanna pasineqarpoq

Redaktionen
Published

Kujataani aalisarnermik ingerlatseqatigiiffik Arctic Prime Fisheries saarullinnik aalisapilussimasutut suliami annertuumi ilungersunartumilu unnerluunneqaratarsinnaavoq. Ingerlatseqatigiiffik maannamuugallartoq suliami pasineqarpoq.

Pisut naalisarlugit

Naalakkersuisut siulii december 2020-mi aalajangerput Arctic Prime Fisheriesimut (APF) aalisarsinnaanermut akuersissuteqarnissamut piumasaqaatit sukatissallugit, suliffeqarfiup Tunumi 2021-mi saarullinnik 10.000 tonsinik pisassaqartinneqarneranut tunngatillugu.

Arctic Prime Fisheries pisussaatinneqarpoq nunatsinni tunisassiorfinnut pisami 50 procentiinik tunisisassalluni. Naalakkersuisut sukaterinerat isumaqarpoq APF nunatsinni tunitsivinnut 2.500 tonsinik tunisereersimatinnani aalisariummini suliaqartassanngitsoq.

Aalisarnermut Piniarnermut Naalakkersuisoqarfilli naapertorlugu APF-ip aalisarsinnaanermut akuersissummi piumasaqaatit naammassinngilai, aalisariutip Iliviliup avalannermini marlunni siullerni saarulliit katillugit 2.100 tonsit aalisariummi tunisassiarimmagit. Tunisassiat Islandimi talittarfimmi qaqinneqarput, nunatsinnut tunineqaratik.

- Ingerlatseqatigiiffik aalisarnermut inatsimmik unioqqutitsisimasutut pasineqarpoq, unnerluussisoq Marutha Thayapharan, Kalaallit Nunaanni Politiineersoq Sermitsiamut ilisimatitsivoq.

Arctic Prime Fisheries aalisarneq pillugu Inatsisartut inatsisaat normu 18-imi paragraf 21-mik unioqqutitsisimasutut, politiit pasivaat. Taanna aalisapilunnermut tunngavoq, tassa pisassiissutit qaangerlugit aalisarpallaarsimanermut.

- Pasilliut taamaappoq, unnerluussisoq oqaluttuarpoq.

Kalaallit Nunaanni Aalisarsinnaanermut Akuersissutinik Nakkutilliisoqarfiup, Aalisarnermut Piniarnermut Naalakkersuisoqarfiup ataaniittup, ukioq ataaseq matuma siorna Arctic Prime Fisheries aalisarnermut inatsimmik unioqqutitsisimasutut politiinut nalunaarutigaa.

- Suliaq annertoorujussuuvoq, Marutha Thayapharan, aalisarnermik ingerlatseqatigiiffiup pasillerfigineqarneranut atatillugu taama oqarpoq.

Allaaserisaq tamaat uani Sermitsiami pisiarisinnaasanni atuaruk:

inuiagatigiit nunatsinnit aalisarneq piniarnerlu
Powered by Labrador CMS