Arnanut nutaavissuaq
Nunatsinni arnanut atuagassiatuaq nutaavissuaq piareerpoq sineriammullu nassiussuunneqaleruttorluni
Atuagassiaq Arnanut nutaavissuaq suli naqiterivissunnialaartoq Sermitsiaq AG-mut apuuteqqammerpoq.
Atuagassiami nutaami sammineqarpoq "arnat ikinngutigiit", arnallu kissalaartumik ikinngutigiittarnerat pillugu imaqarluarnissaa aaqqissuisup neriorsuutigaa.
- Arnaasugut arnaqatitsinnik ikinnguteqarnissarput pinngitsoorsinnaannginnatsigu uani Arnanut atuagassiami nersualaarniarsimavagut, taama Heidi Møller Arnanut-mi aaqqissuisuusoq oqarpoq.
- Sammisatta saniatigut pisarnitsitut nerisassiornermi malitassiat, atisat nutaat nunatsinnilu arnanut soqutiginarsinnaasut allat sammivagut. Aamma Air Greenlandimiit gavekortimik pinnatassaqartitsivugut, taama aaqqissuisoq oqaluttuarpoq.
Aamma atuagassiaq sapaatit akunnerata ataatsip ingerlanerani siaruaatereersimanissaa naatsersuutigineqassasoq oqaatigaa.
- Illu tusagassiisarfimmiuusugut atuagassiat poortoriarlugit sineriammut nassiussuutileruttorpagut, Heidi Møller oqarpoq.