Arnap angut savimmik kapivaa
Nuummi politiit unnuaq angerlarsimaffimmi eqqissiviilliornermut aggersarneqarput, ernguttoqarluni savimmillu kapisisoqarluni
Arfininngornerup unnuaani marluk qaangilaara Nuummi politiit Nuussuarmi Qaarsunnguami angerlarsimaffimmi eqqissiviilliornermut aggersarneqarput.
Kinguninngua matuersaarisoq ambulancelu takkupput, politiillu inissiamut iserput. Kinguninngua ambulance sukkaqaluni qimaguppoq.
Taama Nuummi Politiit arfininngormat ullup qeqqani suli misissuillutik nalunaarput.
- Angerlarsimaffimmi eqqissiviilliornermik annertusisamik taavarput, tamannalu soorunami ilungersunartutut isigaarput. Imigassamik atuisoqangaatsiarsimavoq, aggersarneqarpugullu savimmik kapisisoqarsimasoq nalunaarutigineqarmat. Paasivarput arnap angut savimmik kapisimgaa. Angut taanna erngerluni passunneqarpoq, arnalu tigusaraarput. Aamma paasivarput tassaniinnitsinni angut inummarliulersoq angersaartornerminik ajornartorsiuteqalerluni. Taanna sukasuumik Sanaliaanneqarpoq, Nuummi Politiinit pigaartoq Sermitsiaq.AG-mut oqarpoq.