Arnap toqunera politiit misissorpaat
Arnaq 30-ikkunni ukiulik tassanngaannaq toquvoq. Politiit toqunera pasinartoqartippaat
Annonse
– Suli naluarput pinerluttoqarsimanersoq. Arnalli toqunera pasinartoqartipparput.
Taamatut Sermitsiaq.AG-mut oqaluttuarpoq Nuummi Politiini pigaartoq Mikael Kofoed, Upernaviup pigisaani Kullorsuarmi arnap 30-ikkunni ukiullip toqunera pillugu.
Arnaq, arfininngormat toqungasoq nassaarineqartoq, feriarluni inunngorfimmini Kullorsuarmiissimavoq. Ullumilu sapaammi toqusup timaa misissorneqassaaq. Tamatumuuna uppernarsarneqassaaq arnaq nammineq toqusimanersoq imaluunniit pinerluttoqarsimanersoq.