politiit
Arnaq ajunngilaq
Arnaq, arfininngormat ullaassakkut sisamat missaanni Nuummi imaanut nakkartoq, ajunngilaq
Arnaq 50-inik ukiulik arfininngormat ullaassakkut imaanutnakkarpoq, Nuup Umiarsualiviani umiarsuarmut Viking Madsalex-imut ikiniarluni. Taanna ajunngitsoq Nuummi Politiini pigaartoq Kunuk Frederiksen paasissutissiivoq.
– Arnaq umiarsuarmut ikaalerluni talittarfiup umiarsuullu akornanni quaalluni nakkarsimavoq kalluunnaveersaarfimmullu aporsimalluni, pigaartoq oqaluttuarpoq.
Angutip, arnap ingiaqataata ajutoorneq politiinut nalunaarutigaa. Taassuma allunaasamik nalutsiffigisimavaa puttaniutissaanik.
Politiit, qatserisartut ambulancilu ajutoorfimmut sukkasuumik takkupput.
– Politiit arnaq qaqinniarlugu aqqarfigaat. Nukillaarsimangaarmalli imaanit qaqikkuminaassimavoq. Ikiuiniarneq kipiluttunarsimavoq, Kunuk Frederiksen oqaluttuarpoq.
Arnaq qaqinneqannginnermini minutsit 15-it missaanni imaaniippoq nillertumi. Taamaattumik nillorsimasorujussuuvoq.
– Nakkarami kimillannermi saniatigut ajoqusinngilaq, pigaartoq paasissutissiivoq.