Arnaq allaasersortoq tigusarineqarpoq
Arnaq eqqarsartaatsimigut nappaatilik 34-nik ukiulik maanna politiinit tigummineqalerpoq aqaguussagunartorlu inatsisit tunngaviusut tunngavigalugit killisiorneqarumaarluta, Nuummi politiit taama ilisimatitsipput.
Nuummi politiit ataasinngulivissorlu gassi qulliliornartoq iluaqutigalugu arnaq 34-nik ukiulik angullu Nuniaffimmi Nuussuarmiittumi inissiami nr. 16-imiittut tigusarisinnaalerpaat.
Arnaq ullaap tungaata ingerlanerani arlaleriarluni aallaammik sakkortuumik igittarsimavoq, politeeqarfiup pisortaa Bent Heiselberg oqarpoq.
Pisimasut ullaaq qulingiluanngoriitsiartoq aallartipput, kingunitsiannguatigullu Nuniaffik Tinupattallu matuneqarput. Nuussuup ilaanut bussit ingerlaqqusaajunnaarput ikinnerpaamillu politiit qulingiliat ullaap tungaa tamaat arnaq angullu inissiamiit anisinniarsaraat.
Bent Heiselbergi arnat eqqarsartaatsikkut napparsimasuunerarpaa. Qularnanngitsumillu aqagu taanna inatsisit tunngaviusut tunngavigalugit sassartinneqarumaarpoq tigummigallagaanissaalu piumasarineqassalluni, politeeqarfiup pisortaa oqarpoq.