Arnaq imminoorniartoq peberspraymik susinnaajunnaartinneqarpoq
Arnaq 19-nik ukiulik imminut savimmik kapiniartoq unitsinniarlugu Qaqortumi politiit peberspray atortariaqarsimavaat
Qaqortumi politiit illoqarfimmi kollegiat arlaannut aggeqqusaasimapput, tassani arnaq 19-inik ukiulik imminut savimmik kapiniarmat.
- Arfininngornermi unnuakkut kollegiami pigaartoq sianerpoq arnaq inuusuttoq unnerluutigalugu, taanna imminut savimmik kapiniarluni qunusaarimmat. Kollegiamut apuukkatta igaffimmiippoq savillu naaminut saatseqqallugu. Qanillisinnaanngilarput oqaluullugulu savimmik iperartitsisinnaanata. Taamaattumik peberspray atorlugu seqqartariaqarsimavarput susinnaajunnaarsillugu, politiit pisortaata tullia Kujataanilu iliuuseqartarnermut pisortaq, Erik Lynge Rasmussen oqarpoq.
Peberspraymik seqqartarneqareerami arnaq eqqissivoq, politiillu saviminernik paffequtserlugu nakorsiaappaat. Aalakoorpoq isertitsivimmilu sinitsinneqarluni.