Arnaq politiinut nakuusertutut unnerluutigineqartoq
Arnaq 20-inik ukiulik sapaatiummat ullaakkut tigusarineqarpoq, politiinut ankuusersimasutut unnerluutigineqarluni.
Annonse
Tamanna politiit sapaatip akunnerata naanerani nalunaarusiaanni allassimavoq. Sapaatiummat ullaakkut nal. 4.20 politiit biilianniittut ingerlaartillutik arnaq taanna illoqarfiup qeqqani angummik malinnilluni annersaasoq naammattoorpaat. Biilini nakkutilliisuniittut arnaq saaffigimmassuk arnap politiit saassuppai.
Saassussaanermi politeeq marlussoriarluni isimminneqarpoq, arnallu politiit arlaleriarluni patittarsimallugit. Arnaq 20-inik ukiulik tigusarineqarpoq, politiinut nakuusertutut unnerluutigineqarluni, tamannalu arnap eqqartuussivimmi suliarineqassutigisussanngorpaa, politikommissærip tullersortaa Johan Davidsen nalunaarusiami ilisatitsivoq.