Arnaq toqunneqartoq Tunuminngaaneerpoq
Angut 23-inik ukiulik ukiortaap allaassaani arnamik 30-it missaannik ukiulimmik Maniitsumi toqutsisoq aamma toqutseriaraluarsimasutut persuttaasimasutullu unnerluutigineqarpoq.
Sermitsiap paasisai naapertorlugit Maniitsumi inissiami ukioq manna toqutsinerit siullersaata ukiortaap ullaassaani pimmat arnat arlaliusimapput. Tassani arnaq 30-it missaannik ukiulik angummit 23-inik ukiulimmit toqunneqarpoq.
Toqutaasup saniatigut angutip 23-inik ukiullip angut alla kaperiarsimavaa, inummullu allamut aamma persuttaasimalluni. Toqutsineq pimmat inuit pineqartut tamarmik inissiamiissimapput.
Angut 23-inik ukiulik toqutsreernermi kingorna angajoqqaaminut angerlarsimavoq, tassanilu januaarip 1-iani ualikkut tigusarineqarluni.
Arnaq toqutaasoq Tunumiit Maniitsumut nuussimavoq.
Politimesterip tulliata Morten Nielsenip uppernarsarpaa, angut 23-inik ukiulik toqutsisutut unnerluutigineqarnermi saniatigut aamma toqutseriarsimasutut persuttaasimasutullu unnerluutigineqartoq.