Nuuk
Arnaq toqusunit misissuisartunit misissorneqartoq
Toqusoqarsimatillugu misissuisartut ulluni 14-ni misissuereerpata paasinarsissaaq arnaq qanoq toqusimanersoq
Arnaq sisamanngormat toqusoq toqusunit misissuisartumik ataasinngormat misissorneqarpoq. Aamma arnap toquffia misissorneqarpoq.
Nuummi politiinit Laila Fleischer ilisimatitsivoq.
- Ullut 14-t missaat qaangiuppata paasisaqarnissarput naatsorsuutigaarput. Danmarkimi qanoq ulapputiginerat apeqqutaaginnassaaq, Sermitsiaq.AG-mut nassuiaavoq.
Angut pinngitsuunerarpoq
Arnaq blok 5-imi annersartereernermi kingorna ambulancenik napparsimaviliaanneqartariaqarsimasoq Sermitsiaq.AG-imit allaaserineqareerpoq.
Politiit aappariit inaannut apuummata arnaq toqungavoq, Dronning Ingridip Napparsimavissuanilu nalunaaqutaq 03.47 toqusoq nalunaarutigineqarluni.
Killisiuinermi 44-nik ukiulik oqarpoq unnuk eqqaamasaqarfigivallaarnagu, imigassartorsimanerup kinguneranik kiisalu angutip oqarneratut nuliaminit niaqukkut annersinneqareernermi kingorna.
Angut 44-nik ukiulik illersuisuni minutsimi ataatsimi oqaluutereeramiuk oqarpoq pisumut pinngitsuunani.