Arnat piginnaanilissuit Okalik naapippaat
Poul Okalik Narsamut tikeraarmat Narsami borgmesteriusimasoq Agnethe Nielsen nereqataavoq
Ataasinngornermi Narsarmiut Nunavumi Naalakkersuisut siulittaasuannit Poul Okalimit taassumalu malittaanit tikeraarneqarput. Tikeraarnermi savaatilik Sofus Frederiksen alakkarneqarpoq, Eskimo Pelsimut alakkartoqarpoq Royal Greenlandillu suliffissuaataani takornariaqartoqarluni.
Illoqarfiup akunnittarfiani ullo´qeqqasiortoqarpoq aammalu Narsami borgmesteriusimasoq, Agnethe Nielsen, Atassut, Naalakkersuisut siulittaasuannit Hans Enoksenimit qaaqqusaasimasoq nereqataavoq. Hans Enoksenimi isumaqarpoq nunatsinni politikimi arnat maligassiuisut ilaat Okaliup naapittariaqaraa.
Arnaq 82-inik ukiulik alutorsartitsivoq:
– Arnaq kakkalluinnartoq, Paul Okalik oqarpoq.
Agnethe Nielsen Nunavumi Naalakkersuisut siulittaasuannik naapeqatereerluni nersualaarinnilluinnarpoq.
– Isumaqarpunga angutaasoq inussiarnersoq inuppalaartuusorlu. Pissutsit qanoq iliortarnerigut misissoriartorlugit maannarmat aamma nuannaraara, Agnethe Nielsen ullo´qeqqasioreernermi oqarpoq.